മിൽമ പാലിന്റെ പുതുക്കിയ നിരക്ക് നാളെ മുതൽ പ്രാബല്യത്തിലാകും. ലീറ്ററിന് നാല് രൂപയാണ് കൂട്ടിയത്. പുതിയ മാറ്റത്തോടെ മിൽമ പാലിന്റെ ലിറ്ററിന് 56 രൂപയായി ഉയരും. പാലിന് വില കൂടുന്നതോടെ മിൽമ വിപണിയിലെത്തിക്കുന്ന തൈര്, നെയ്യ്, പേഡ അടക്കമുള്ള മറ്റ് അനുബന്ധ ഉൽപ്പന്നങ്ങൾക്കും ആനുപാതികമായി വില ഉയരും.
ക്ഷീരകര്ഷകരുടെ ചെലവ് വര്ധിച്ച സാഹചര്യത്തിലാണു പാല്വില കൂട്ടുന്നതെന്നും ലിറ്ററിന് നാല് രൂപ കൂട്ടുമ്പോള് മൊത്തം വര്ധനയുടെ 83.75% തുക (3.35 രൂപ) കര്ഷകര്ക്കു ലഭിക്കുമെന്നും മില്മ അറിയിച്ചു. ഏറ്റവും ഒടുവില് മില്മ പാല്വില കൂട്ടിയത് 2022 ഡിസംബര് ഒന്നിനായിരുന്നു. അന്ന് ലിറ്ററിന് 6 രൂപയാണ് വര്ധിപ്പിച്ചത്.
പാൽ കവറുകളിൽ പഴയ വിലയാണു രേഖപ്പെടുത്തിയിട്ടുള്ളത്. പുതിയ വില പ്രിന്റ് ചെയ്യുന്ന നടപടികൾ പുരോഗമിക്കുകയാണ്. ഒരുമാസം വരെ ഇതു തുടരുമെന്ന് മിൽമ അറിയിച്ചു.
