അരുവിത്തുറ : കോട്ടയം ജില്ല എംപ്ലോയ്മെന്റ് എക്സ്ചേഞ്ച് എംപ്ലോയബിലിറ്റി സെന്ററും നാഷണൽ എംപ്ലോയ്മെന്റ് സർവിസും അരുവിത്തുറ കോളേജും സംയുക്തമായിസംഘടിപ്പിച്ച തൊഴിൽ മേള ‘പ്രയുക്തി 2025കോളേജിൽ നടന്നു.
30 കമ്പനി കൾ പങ്കെടുത്ത മേള തൊഴിൽ അന്വേഷകരുടെ വലിയ സാന്നിധ്യം കൊണ്ട് ശ്രദ്ധേയമായി. പൂഞ്ഞാർ എം എൽ എ അഡ്വ സെബാസ്റ്റ്യൻ കുളത്തുങ്കൽ ഉദ്ഘാടനം ചെയ്ത മേളയിൽ പ്രിൻസിപ്പൽ പ്രൊഫ ഡോ. സിബി ജോസഫ് അധ്യക്ഷത വഹിച്ചു.
കോട്ടയം സബ് റീജിയണൽ എംപ്ലോയ്മെന്റ് ഓഫീസർ ഡി എസ് ഉണ്ണികൃഷ്ണൻ, കൗൺസിലർ ലീന ജെയിംസ് കോളേജ് ബർസർ ഫാ. ബിജു കുന്നയ്ക്കാട്ട്, പാലാ എംപ്ലോയ്മെന്റ് ഓഫീസർ ശ്രീമതി ദീപ, കോളേജ് പളേസ്‌മെന്റ് ഓഫീസർ ബിനോയ് സി ജോർജ് തുടങ്ങിയവർ സംസാരിച്ചു.
