ഉഴവൂർ ഗ്രാമപഞ്ചായത്ത്,കൃഷി അസിസ്റ്റൻറ് എക്സിക്യൂട്ടീവ് എഞ്ചിനീയർ കോട്ടയം,കൃഷിഭവൻ എന്നിവയുടെ നേതൃത്വത്തിൽ ഇന്ന് രാവിലെ 10.00 മണിക്ക് പഞ്ചായത്ത് ഹാളിൽ വച്ച് കാർഷിക യന്ത്രവൽക്കരണ ഉപകരണങ്ങൾ 40 മുതൽ 60 ശതമാനം വരെ വിലക്കുറവിൽ കർഷകർക്ക് ലഭ്യമാക്കുന്നതിന് വേണ്ടി ഉള്ള സൗജന്യ രജിസ്ട്രേഷനും, ട്രിപ്പ് സ്പ്രിംഗ്ലർ ഇറിഗേഷൻ പദ്ധതിയുടെ പരിശീലനവും നൽകുന്നു.
ട്രാക്ടർ, ട്രില്ലർ, ബ്രഷ് കട്ടർ, മെഷീൻ വാൾ ,വീൽബാരോ, ജലസേചനത്തിനുള്ള പമ്പ് സെറ്റ്, റബ്ബർ ടാപ്പിംഗ് മെഷീൻ ,നെല്ലുകുത്തി കേന്ദ്രം തുടങ്ങി എല്ലാ കാർഷിക യന്ത്രങ്ങളും രജിസ്റ്റർ ചെയ്യാം.
ആദ്യം രജിസ്റ്റർ ചെയ്തു അപേക്ഷിക്കുന്നവർക്ക്‌ മുൻഗണന. ആധാർ കാർഡ്,പാസ്പോർട്ട് സൈസ് ഫോട്ടോ കരമടച്ച രസീത് ബാങ്ക് പാസ് ബുക്ക് ആദ്യ പേജ്, എസ് സി ആണെങ്കിൽ ജാതി സർട്ടിഫിക്കറ്റ്, ഗ്രൂപ്പുകൾക്ക് പാൻകാർഡ് എന്നിവ കൊണ്ടുവരേണ്ടതാണ് .
ഇന്ന് ഉച്ചകഴിഞ്ഞു 02 മണി മുതൽ ആണ് അപേക്ഷ സമർപ്പിക്കുന്നതിനു അവസരം. രാവിലെ 10 മണി മുതൽ കർഷകർക്ക് രജിസ്റ്റർ ചെയ്യുന്നതിനും, രജിസ്റ്റർ ചെയ്ത കർഷകർക്ക് ഉച്ചകഴിഞ്ഞു 02 മണി മുതൽ കാർഷിക യന്ത്രങ്ങൾ വാങ്ങുന്നതിന് സൗജന്യമായി അപേക്ഷിക്കുന്നതിനും സൗകര്യം ഉണ്ടായിരിക്കും.ആയതിനാൽ രാവിലെ 10 മണിക്ക് തന്നെ കർഷകർ എത്തിച്ചേരാൻ ശ്രമിക്കണം.
കേന്ദ്ര സർക്കാർ കർഷകർക്ക് നൽകുന്ന ഈ ആനുകൂല്യം ഉഴവൂർ പഞ്ചായത്തിലെ പരമാവധി കർഷകർക്ക് ലഭ്യമാക്കുന്നതിനു അവസരം ഒരുക്കുന്നതിന്റെ ഭാഗമായാണ് ക്യാമ്പ് സംഘടിപ്പിക്കുന്നത് എന്ന് പഞ്ചായത്ത് പ്രസിഡന്റ് ജോണിസ് പി സ്റ്റീഫൻ, കൃഷി ഓഫീസർ തെരേസ അലക്സ്‌ എന്നിവർ അറിയിച്ചു.
