ഈരാറ്റുപേട്ട: നവംബർ 6 മുതൽ 9 വരെ കോട്ടയത്ത് നടക്കുന്ന സിഐടിയു സംസ്ഥാന സമ്മേളനത്തോടനുബന്ധിച്ച് 29ന് വൈകുന്നേരം അഞ്ചിന് ഈരാറ്റുപേട്ട സെൻട്രൽ ജംഗ്ഷനിൽ ജനകീയ സദസ്സ് സംഘടിപ്പിക്കും. സിപിഐഎം സംസ്ഥാന സെക്രട്ടേറിയറ്റ് അംഗം പി. ജയരാജൻ ഉദ്ഘാടനം ചെയ്യും.
സമ്മേളനത്തിന്റെ ഭാഗമായി നവംബർ 5 മുതൽ കോട്ടയം തിരുനക്കര മൈതാനിയിൽ ചിത്ര-ചരിത്ര പ്രദർശനം, പുസ്തകമേള, ഫിലിം പ്രദർശനം, കലാപരിപാടികൾ, സെമിനാറുകൾ എന്നിവ നടക്കും. നവംബർ 6ന് അലോഷിയുടെ ഗസൽ സന്ധ്യയും ഏഴിന് വൈകുന്നേരം ആറിന് ചിലങ്ക ഫ്ലോട്ടിങ് തിയേറ്റർ കോഴിക്കോട് അവതരിപ്പിക്കുന്ന പ്രശസ്ത നാടകം ‘മിസ’യും അരങ്ങേറും.
നവംബർ 9ന് ഒരു ലക്ഷം പേർ പങ്കെടുക്കുന്ന മഹാറാലി നടക്കും. പ്രതിപക്ഷ നേതാവ് പിണറായി വിജയൻ റാലി ഉദ്ഘാടനം ചെയ്യും. ജനകീയ സദസ്സിൽ സിഐടിയു ജില്ലാ സെക്രട്ടറി കെ. അനിൽകുമാർ, പ്രസിഡന്റ് റെജി സക്കറിയ എന്നിവർ പങ്കെടുക്കും.
പത്രസമ്മേളനത്തിൽ സിഐടിയു ജില്ലാ ജോയിന്റ് സെക്രട്ടറി ജോയ് ജോർജ്, സിപിഐഎം പൂഞ്ഞാർ ഏരിയ സെക്രട്ടറി ടി.എസ്. സിജു, സിഐടിയു ഏരിയ സെക്രട്ടറി രമേഷ് ബി. വെട്ടിമറ്റം, ഏരിയ പ്രസിഡന്റ് പി.എ. ഷെമീർ, കോ-ഓർഡിനേഷൻ സെക്രട്ടറി പി.എസ്. അൻസാരി എന്നിവർ പങ്കെടുത്തു.
