പാലാ: പാലാ രൂപത കോർപ്പറേറ്റ് എഡ്യൂക്കേഷൻ ഏജൻസിയും സെന്റ് തോമസ് കോളേജ് പാലായും സംയുക്തമായി നടത്തുന്ന സീപ്പ് ഫുട്ബോൾ സൂപ്പർ ലീഗിൽ 6ാം ദിനം , ആതിഥേയരായ അറകുളം സെന്റ്. മേരീസ് സ്കൂൾ എതിരില്ലാത്ത അഞ്ച് ഗോളുകൾക്ക് കാഞ്ഞിരത്താനം സെന്റ് ജോൺസ്
സ്കൂളിനെ തോല്പിച്ചു.
അറക്കുളം സെന്റ്. മേരീസ് സ്കൂൾ ആധികാരികമായ വിജയത്തോടെ പോയിൻ്റ് ടേബിളിൽ ഒന്നാം സ്ഥാനത്തേക്ക് കുതിച്ചുയർന്നു. മത്സരത്തിൽ ഹാട്രിക്ക് ഉൾപ്പെടെ 4 ഗോളുകൾ നേടി ടീമിനെ വിജയത്തിലേക്ക് നയിച്ച അറക്കുളം ടീമിൻ്റെ താരമായ ആദിത്യൻ അർജുൻ മാൻ ഓഫ് ദ മാച്ചായി.
തിങ്കളാഴ്ച രാവിലെ 9 മണിക്ക് പാല സെൻ്റ് തോമസ് സ്കൂൾ ഗ്രൗണ്ടിൽ നടക്കുന്ന മത്സരത്തിൽ ആതിഥേയർ കടനാട് സെൻ്റ് സെബാസ്റ്റ്യൻസ് സ്കൂളിനെയും ഉച്ചയ്ക്ക് ശേഷം കൂട്ടിക്കൽ സെൻ്റ് ജോർജ് സ്കൂൾ ഗ്രൗണ്ടിൽ നടക്കുന്ന മത്സരത്തിൽ ആതിഥേയർ കഞ്ഞിരത്തനം സെന്റ് ജോൺസ് സ്കൂളിനെയും നേരിടും.
