രാമപുരം: കേരളത്തിലെ സർക്കാർ എയ്ഡഡ് അൺ എയ്ഡഡ് കോളേജുകളുടെ ഉന്നത നിലവാര മൂല്യനിർണ്ണയം നടത്തുന്ന കെ ഐ ആർ എഫ് റാങ്കിങ്ങിൽ മാർ ആഗസ്റ്റിനോസ് കോളേജിന് ഉന്നത റാങ്കിംഗ്.
മഹാത്മാഗാന്ധി യൂണിവേഴ്സിറ്റിയിലെ സ്വാശ്രയ വിദ്യാഭ്യാസ സ്ഥാപനങ്ങളിൽ രണ്ടാം സ്ഥാനവും കെ ഐ ആർ എഫ് റാങ്കിൽ 124 ആം സ്ഥാനവും കോളേജ് കരസ്ഥമാക്കി.
നാക്ക് അക്രിഡിറ്റേഷനിൽ 3.13 പോയിൻ്റോടെ A ഗ്രേഡ് ആദ്യ സൈക്കിളിൽ തന്നെ കരസ്ഥമാക്കുകയും എൻ ഐ ആർ എഫ് 150 -200 ബാൻഡിൽ എത്തിച്ചേരുവാനും കോളേജിന് സാധിച്ചു ഒരു സ്വാശ്രയ സ്ഥാപനത്തെ സംബന്ധിച്ച് ഇത് വലിയ മികവിന്റെ തെളിവാണ്.
കോളേജ് മാനേജ്മെന്റിന്റെയും അധ്യാപക അനധ്യാപക സമൂഹത്തിന്റെയും കൂട്ടായ പ്രവർത്തനത്തിന്റെ ഫലമായാണ് മാർ ആഗസ്തീനോസ് കോളേജിന് ഈ അതുല്യ പദവിയിലേക്ക് എത്തുവാൻ സാധിച്ചത്. കോളേജ് മാനേജർ ബെർകുമാൻസ് കുന്നുംപുറം ഇതിന്റെ പിന്നിൽ പ്രവർത്തിച്ച പ്രിൻസിപ്പലിനെയും സ്റ്റാഫ് അഗങ്ങളെയും അഭിനന്ദിച്ചു.
