അരുവിത്തുറ: ഉൾക്കാഴ്ചയുടെ സന്ദേശവുമായി അരുവിത്തുറ സെന്റ് ജോർജസ് കോളജിൽ വിമൻസ് സെല്ലിന്റെ ആഭിമുഖ്യത്തിൽ വനിതാ ദിനം സംഘടിപ്പിച്ചു. കാഴ്ചപരിമിതിയെ അതിജീവിച്ച് സംരംഭകയായി മാറിയ ജാസ്മിൻ അജിയും സോഷ്യൽ മീഡിയ ഇൻഫ്ലുവൻസർ പൊന്നു അന്ന് മനുവും ചേർന്ന് പരിപാടി ഉദ്ഘാടനം ചെയ്തു.
കോളജ് പ്രിൻസിപ്പൽ പ്രഫ. ഡോ. സിബി ജോസഫ് അധ്യക്ഷത വഹിച്ച ചടങ്ങിൽ കോളജ് ബർസാർ റവ. ഫാ. ബിജു കുന്നക്കാട്ട്, കോളജ് വൈസ് പ്രിൻസിപ്പൽ ഡോ. ജിലു ആനി ജോൺ, വിമൻസ് സെൽ കൺവീനർ തേജിമോൾ ജോർജ്, വിദ്യാർഥിനി പ്രതിനിധി ജീവ മരിയ സെബാസ്റ്റ്യൻ എന്നിവർ സംസാരിച്ചു.
