വാകക്കാട്: രാമപുരം ഉപജില്ലാ തലത്തിൽ നടത്തപ്പെട്ട വിവിധ ഗണിതശാസ്ത്ര മത്സരങ്ങളിൽ വാകക്കാട് സെൻറ് അൽഫോൻസാ ഹൈസ്കൂൾ മികച്ച വിജയം കൈവരിച്ചു.
ഹൈസ്കൂൾ വിഭാഗം ശ്രീനിവാസ രാമാനുജ പേപ്പർ പ്രസന്റേഷനിൽ വൈഗ ബിജു എ ഗ്രേഡോടെ ഒന്നാം സ്ഥാനവും ഹൈസ്കൂൾ വിഭാഗം ഭാസ്കരാചാര്യ സെമിനാറിൽ നൈമിക ബിജീഷ് എ ഗ്രേഡോടെ ഒന്നാം സ്ഥാനവും കരസ്ഥമാക്കി.
ഭാസ്കരാചാര്യ യുപി വിഭാഗത്തിൽ ഐശ്വര്യ പി ജെ എ ഗ്രേഡോടെ രണ്ടാം സ്ഥാനവും ഹൈസ്കൂൾ വിഭാഗം ടാലൻറ് സേർച്ച് എക്സാമിനേഷനിൽ അതുല്യ അനിൽ എ ഗ്രേഡോടെ രണ്ടാം സ്ഥാനവും കരസ്ഥമാക്കി. ജില്ലാതലത്തിലേക്ക് തിരഞ്ഞെടുക്കപ്പെട്ട വിദ്യാർത്ഥികളെ സ്കൂളിൽ അഭിനന്ദിച്ചു.
