അരുവിത്തുറ: ലയൺസ് ക്ലബ് ഓഫ് അരുവിത്തുറയിൽ ഫസ്റ്റ് വൈസ് ഡിസ്ട്രിക്ട് ഗവർണറുടെ വിസിറ്റും ചാർട്ടർ ആനിവേഴ്സറിയും വിവിധ പ്രൊജക്റ്റുകളുടെ ഉത്ഘാടനവും നടത്തപ്പെട്ടു.
പരിപാടിയുടെ ഉത്ഘാടനം ക്ലബ് പ്രസിഡന്റ് മനോജ്‌ മാത്യു പരവരാകത്തിന്റെ അധ്യക്ഷതയിൽ ഫസ്റ്റ് വൈസ് ഡിസ്ട്രിക്ട് ഗവർണർ വിന്നി ഫിലിപ്പ് നിർവഹിച്ചു. പ്രൊജക്റ്റുകളുടെ വിതരണം ഷൈനി വിന്നിയും ഹംഗർ പ്രൊജക്റ്റിന്റെ വിതരണം ഡിസ്ട്രിക്ട് കാബിനറ്റ് അഡ്മിനിസ്ട്രേറ്റർ പി സി ചാക്കോയും നിർവഹിച്ചു.
ലയൺസ് ക്ലബ് അരുവിത്തുറ PMJF ലയൺ വിന്നി ഫിലിപ്പിനെയും ലയൺ ഷൈന്നി വിന്നിയേയും പൊന്നാടയണിയിച്ച് ആദരിച്ചു. ചാർട്ടർ മെമ്പർമാരായ സിബി മാത്യു പ്ലാത്തോട്ടം, സ്റ്റാൻലി തട്ടാംപറമ്പിൽ, ജോസഫ് മാത്യു കാരിവേലിൽ എന്നിവരെ PMJF ലയൺ വിന്നി ഫിലിപ്പ് ആദരിച്ചു.
ലയൺസ് ജില്ലാ ചീഫ് പ്രൊജക്റ്റ്‌ കോർഡിനേറ്റർ സിബി മാത്യു പ്ലാത്തോട്ടവും മൂന്നിലവ് ഗ്രാമപഞ്ചായത്ത്‌ മെമ്പർ ജോളി കുളത്തിനാൽ, ക്ലബ് സെക്രട്ടറി മനേഷ് കല്ലറക്കലും പ്രസംഗിച്ചു.
ഇരുപത് ഡയാലിസിസ് കിറ്റുകളും വായനയ്ക്കായി പുസ്തകവും, പാലിയേറ്റീവിലേക്കായി ഡയപ്പറും, ഹംഗർ പ്രൊജക്റ്റിലേക്ക് പതിനയ്യായിരം രൂപയുടെ ചെക്കും വിതരണം ചെയ്തു.
