കുന്നോന്നി: എസ്.എൻ.ഡി.പി യോഗം 5950-ാം നമ്പർ കുന്നോന്നി ശാഖാ കാർത്തികേയ കുടുംബ യൂണിറ്റിൻ്റെ വാർഷിക പൊതുയോഗം വ്യത്യസ്തമായ ഉദ്ഘാടനം കൊണ്ട് ശ്രദ്ധേയമായി. കുടുംബ യൂണിറ്റിലെ അംഗങ്ങളുടെ കൂട്ടികൾ കേക്ക് മുറിച്ച് ഉദ്ഘാടനം നടത്തി.
ശാഖ പ്രസിഡന്റ് കെ.ആർ രാജീഷ് അധ്യക്ഷത വഹിക്കുന്ന യോഗം ശാഖാ സെക്രട്ടറി ഷിബിൻ എം.ആർ, പൂഞ്ഞാർ തെക്കേക്കര ഗ്രാമ പഞ്ചായത്ത് അംഗങ്ങളായ ബീനാ മധുമോൻ, നിഷ സാനു, ശാഖാ വൈസ് പ്രസിഡൻ്റ് എ.ആർ മോഹനൻ, യൂണിറ്റ് രക്ഷാധികാരി നടരാജൻ ഇരുമണിത്തറയിൽ, യൂണിറ്റ് കൺവീനർ ലൈലാമണി സുകുമാരൻ, ശാഖാ യൂണിയൻ കമ്മിറ്റി അംഗം സുരേന്ദ്രൻ കുറ്റിക്കാട്ട്, ശാഖാ സൈബർ സേന കൺവീനർ രാജേഷ് അമ്പഴത്തിനാൽ കുന്നേൽ എന്നിവർ സംസാരിച്ചു.
കുടുംബ യൂണിറ്റ് പുതിയ ഭാരവാഹികളായി ചെയർമാൻ ശാന്തമ്മ വാഴയിൽ, കൺവീനർ ലൈലാമണി സുകുമാരൻ, ജോയിൻ്റ് കൺവീനർ ആർച്ച അശോകൻ തെരഞ്ഞെടുത്തു. തുടർന്ന് കുട്ടികളുടെ വിവിധ കലാപരിപാടികൾ നടത്തി.
