തുരുത്തിക്കാട് മാർത്തോമ്മാ ഇടവകയിൽ സ്വാതന്ത്ര്യദിനാഘോഷങ്ങൾ നടന്നു.ഇടവക വികാരി റവ സജു ശാമുവേൽ സി യും വിമുക്ത ഭടൻ ശ്രീ തോമസ് ചാക്കോ മരുതുക്കുന്നേലും ചേർന്ന ദേശീയ പതാക ഉയർത്തിയതോടെ പരിപാടികൾക്ക് തുടക്കമായി.
വികാരി റവ സജു ശാമുവേൽ സിയുടെ കാർമ്മികത്വത്തിൽ പ്രത്യേക സ്വാതന്ത്ര്യദിന ആരാധന നടന്നു, തുടർന്ന് ഇടവക ഗായകസംഘം ദേശഭക്തി ഗാനങ്ങൾ ആലപിച്ചു.ദേശഭക്തി സന്ദേശം നല്കുന്ന നൃത്തശില്പം യുവജനസഖ്യാഗങ്ങൾ അവതരിപ്പിച്ചു.
തുടർന്ന് സൈനീക, അർദ്ധ സൈനീക വിഭാഗങ്ങളിൽ നിന്നും വിരമിച്ച ഇടവകാഗങ്ങളെ യുവജനസഖ്യത്തിന്റെ ആഭിമുഖ്യത്തിൽ ആദരിച്ചു. ശ്രീ ജേക്കബ് തോമസ് മരുതുക്കുന്നേൽ, ശ്രീ വർഗീസ് പി കുരുവിള പറത്താനത്ത് എന്നിവർ പ്രസംഗിച്ചു.
വികാരി റവ സജു ശാമുവേൽ സി രചനയും സംഗീതവും നിർവഹിച്ച “സ്വാതന്ത്ര്യപൊന്നൊളിതൂകിയ സുദിനമാഗതമായി”എന്ന സ്വാതന്ത്ര്യദിന ഗാനം ഗായകസംഘം ആലപിച്ചത് ഏവരേയും ഹഠാദാകർഷിച്ചു.യുവജനസഖ്യത്തിന്റെ ആഭിമുഖ്യത്തിൽ മധുരപലഹാര വിതരണവും നടന്നു
