അരുവിത്തുറ: അരുവിത്തുറ സെന്റ് ജോർജസ്സ് കോളജിലെ ഈ വർഷത്തെ കരിയർ ആൻഡ് പ്ലേസ്‌മെന്റ് സെൽ പ്രവർത്തനങ്ങൾ കോട്ടയം ട്രിപ്പിൾ ഐടി ഡീൻ ഡോ. എബിൻ രാജ് ഉദ്ഘാടനം ചെയ്തു. ആർട്ടിഫിഷ്യൽ ഇന്റലിജിൻസിന്റെ വിവിധ സാധ്യതകളെക്കുറിച്ച് അദ്ദേഹം ക്ലാസ്സ്‌ നയിച്ചു.
കോളജ് പ്രിൻസിപ്പൽ പ്രൊഫ. ഡോ. സിബി ജോസഫ് അധ്യക്ഷത വഹിച്ച ചടങ്ങിൽ കോളജ് ബർസർ ഫാ. ബിജു കുന്നാക്കാട്ട്, പ്ലേസ്‌മെന്റ് ഓഫീസർമാരായ ബിനോയ് സി. ജോർജ്,ഡോ. ജമിനി ജോർജ് തുടങ്ങിയവർ സംസാരിച്ചു. കോളജിലെ പ്ലേയ്സ്മെന്റ് സെൽ വഴി 100 ൽ പരം വിദ്യാർഥികൾ ഈ വർഷം രാജ്യത്തിനകത്തും പുറത്തുമുള്ള പ്രമുഖ കമ്പനികളിൽ ജോലി നേടിയിരുന്നു.
