പാലാ: വിവിധ അപകടങ്ങളിൽ പരുക്കേറ്റ 5 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ശനിയാഴ്ച രാത്രിയിൽ കൊല്ലപ്പള്ളി – മേലുകാവ് റൂട്ടിൽ മേരിലാൻ്റ് ഭാഗത്ത് വച്ച് കാറും ബൈക്കും കൂട്ടിയിടിച്ച് ബൈക്ക് യാത്രക്കാരായ കുറുമണ്ണ് സ്വദേശി സുരേഷ് ( 50 ) കയ്യൂർ സ്വദേശി സുബീഷ് (45) എന്നിവർക്ക് പരുക്കേറ്റു.
ഇന്ന് രാവിലെ പാലാ ടൗൺ ഭാഗത്ത് വച്ച് ബൈക്കും കാറും കൂട്ടിയിടിച്ചു പാലാ സ്വദേശി അഭിജിത്തിന് ( 29) പരുക്കേറ്റു. സഹോദരങ്ങൾ സഞ്ചരിച്ച സ്കൂട്ടറും കാറും കൂട്ടിയിടിച്ചു പരുക്കേറ്റ തലയോലപ്പറമ്പ് സ്വദേശികളായ അഖിൽ ടോമി ( 27) അഞ്ജന ടോമി (24) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. 11.30 യോടെ തലയോലപ്പറമ്പ് തലപ്പാറ ഭാഗത്ത് വച്ചായിരുന്നു അപകടം.
