അടുക്കം : അടുക്കം ഗവണ്മെന്റ് ഹയർ സെക്കണ്ടറി സ്കൂളി ഇംഗ്ലീഷ് ലാംഗ്വേജ് ക്ലബ്ബിന്റെ ലോഗോ പ്രകാശനം ശ്രീമതി നിഷ ജോസ് കെ. മാണി നിർവഹിച്ചു. “ലെക്സിക്കൺ” എന്നാണ് ഇംഗ്ലീഷ് ക്ലബ്ബിനു പേരിട്ടിരിക്കുന്നത്.
ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ നടത്തിയ പ്രശ്നോത്തരി മത്സരത്തിൽ വിജയികളായവർക്ക് സമ്മാന വിതരണം ശ്രീമതി നിഷ ജോസ് കെ മാണി നടത്തി. പ്രസ്തുത യോഗത്തിൽ ക്ലബ്‌ കൺവീനർ ശ്രീമതി റുക്‌സാന പി കരീം സ്വാഗതം ആശംസിച്ചു.
ഹെഡ് മാസ്റ്റർ ഇൻ ചാർജ് ശ്രീ യാസർ സലിം യോഗത്തിൽ അധ്യക്ഷത വഹിച്ചു. തലനാട് പഞ്ചായത്ത്‌ അംഗം ശ്രീമതി വത്സമ്മ ഗോപിനാഥ് മുഖ്യ പ്രഭാഷണം നടത്തി. സ്കൂൾ സ്റ്റാഫ്‌ സെക്രട്ടറി ശ്രീ വിനീത് കെ. ആർ നന്ദി അറിയിച്ചു.
