കോട്ടയം : കുട്ടികളെയും യുവാക്കളെയും ലഹരിയിൽ നിന്ന് സംരക്ഷിക്കുന്നതിനും പ്രതിരോധം, നേരത്തെയുള്ള തിരിച്ചറിയൽ, കൗൺസിലിംഗ്, റഫറൽ, പുനരധിവാസം, തുടർപരിചരണം എന്നിവ ഏകോപിപ്പിക്കുന്നതിനുമായി Don Bosco Veedu Society-യും BREADS-ഉം നേതൃത്വം നൽകുന്ന DREAM II (Drug Rehabilitation, Education and Mentoring) പദ്ധതിയുടെ കോട്ടയം ജില്ലാതല ഉദ്ഘാടനം ഇന്ന് ഡോൺ ബോസ്കോ സ്കൂൾ, പുതുപ്പള്ളിയിൽ നടന്നു.
കോട്ടയം RDOയും ഡെപ്യൂട്ടി കളക്ടറുമായ ശ്രീ നിജു കുര്യൻ ഉദ്ഘാടനം നിർവഹിച്ചു. DREAM II-ന്റെ ലോഗോ പ്രകാശനം അഡ്വ. ചാണ്ടി ഉമ്മൻ MLA നിർവഹിച്ചു. ശ്രീ കെ. സജീവ്കുമാർ, Additional SP, മുഖ്യപ്രഭാഷണം നടത്തി. തുടർന്ന് DREAM II-ന്റെ ഭാഗമായി ലഹരി വിരുദ്ധ പ്രതിജ്ഞയും നടന്നു.
ശ്രീ ബെന്നി സെബാസ്റ്റ്യൻ, Preventive Officer Gr. & Mentor, ചടങ്ങിൽ പങ്കെടുത്തു. ശ്രീ പ്രസാദ് കെ.എം., Assistant Excise Commissioner & Vimukthi Manager, Kottayam, ശ്രീമതി ലല്ലിമ ടോമി, President, Madapally Block Panchayat, ശ്രീ മനു കുമാർ, Vice President, Madapally Block Panchayat, ഫാ. ജോഷ് എന്നിവർ ആശംസകൾ നേർന്നു.
ഉദ്ഘാടനത്തോടനുബന്ധിച്ച് നടന്ന Stakeholders’ Meeting / Key Stakeholders’ Panel Discussion-ൽ വിവിധ സർക്കാർ വകുപ്പുകൾ, തദ്ദേശസ്വയംഭരണ സ്ഥാപനങ്ങൾ, പോലീസ്, എക്സൈസ്, ആരോഗ്യ-മാനസികാരോഗ്യ മേഖല, വിദ്യാഭ്യാസ സ്ഥാപനങ്ങൾ, ചൈൽഡ് പ്രൊട്ടക്ഷൻ സംവിധാനങ്ങൾ, സാമൂഹിക സംഘടനകൾ എന്നിവയുടെ പ്രതിനിധികൾ പങ്കെടുത്തു. ലഹരി വിരുദ്ധ പ്രവർത്തനങ്ങളിലെ നിലവിലുള്ള സേവന വിടവുകൾ, റഫറൽ സംവിധാനങ്ങൾ, വകുപ്പുകൾ തമ്മിലുള്ള ഏകോപനം, കുട്ടികൾക്കും യുവാക്കൾക്കും സമയബന്ധിതമായ സഹായം ഉറപ്പാക്കുന്നതിനുള്ള മാർഗങ്ങൾ എന്നിവ ചർച്ച ചെയ്തു.
നിലവിലുള്ള സംവിധാനങ്ങൾക്ക് സമാന്തരമായി മറ്റൊരു സംവിധാനം സൃഷ്ടിക്കുന്നതിനുപകരം, അവയുമായി സഹകരിച്ച് ശക്തമായ പിന്തുണാ ശൃംഖല രൂപപ്പെടുത്തുകയാണ് DREAM II-ന്റെ ലക്ഷ്യം. Operation Toofan Phase II പോലുള്ള ലഹരി വിരുദ്ധ പ്രവർത്തനങ്ങളുമായി സഹകരിച്ചും DREAM-ന്റെ കൗൺസിലിംഗ്, ഡി-അഡിക്ഷൻ, പുനരധിവാസം, തുടർപരിചരണം തുടങ്ങിയ സേവനങ്ങൾ കൂടുതൽ ഫലപ്രദമായി ബന്ധിപ്പിച്ചും പ്രവർത്തനം മുന്നോട്ട് കൊണ്ടുപോകും.
സഹായം ആവശ്യമായ ഒരു കുട്ടിയും സഹായമില്ലാതെ അവശേഷിക്കരുത് എന്നതാണ് DREAM II-ന്റെ പ്രധാന ലക്ഷ്യം.
