പാലാ: പൊതുമൂല്യങ്ങള് ഉയര്ത്തിപ്പിടിക്കുന്നതിലും സത്യസന്ധമായ സാംസ്കാരികപ്രവര്ത്തനത്തിലും വിശ്വസിച്ച് സമൂഹ നന്മക്കായി യത്നിച്ച പൊതുപ്രവര്ത്തകനായിരുന്നു ഡിജോ കാപ്പനെന്നും നിര്ണായക നിമിഷങ്ങളില് ഉചിതമായ മാര്ഗനിര്ദേശങ്ങള് നല്കുവാന് പ്രാപ്തനായ ഒരാളുടെ നഷ്ടമാണ് ഡിജോയുടെ നിര്യാണത്തിലൂടെ സംഭവിച്ചിരിക്കുന്നതെന്നും കേരള നിയമസഭ സ്പീക്കര് തിരുവഞ്ചൂര് രാധാകൃഷ്ണന്. പാലായില് ആരംഭിക്കുന്ന ഡിജോ കാപ്പന് ട്രസ്റ്റിന്റെ ഉദ്ഘാടനം നിര്വഹിച്ചു പ്രസംഗിക്കുകയായിരുന്നു അദ്ദേഹം.
പാലാ കിസ്കോ ഓഡിറ്റോറിയത്തില് നടന്ന സമ്മേളനത്തില് ട്രസ്റ്റ് പ്രസിഡന്റ് പി.സി. ജോസഫ് അധ്യക്ഷത വഹിച്ചു. ഡോ. സിറിയക് തോമസ് മുഖ്യപ്രഭാഷണം നിര്വഹിച്ചു. ഫ്രാന്സീസ് ജോര്ജ് എംപി, മാണി സി. കാപ്പന് എംഎല്എ എന്നിവര് പ്രസംഗിച്ചു.
