പൂഞ്ഞാര്‍ സെന്റ് ആന്റണീസ് ഹയര്‍ സെക്കന്ററി സ്‌കൂളില്‍ പഠനോത്സവം നടന്നു. സ്‌കൂള്‍ മാനേജര്‍ ഫാ. സിബി മഞ്ഞക്കുന്നേല്‍ സി.എം.ഐ. ഉദ്ഘാടനം ചെയ്തു.
പഠനോത്സവത്തിന്റെ ഭാഗമായി സ്‌കൂളിലെ യു.പി. ഹാളില്‍ കുട്ടികള്‍ വിവിധ വിഷയങ്ങളെ അടിസ്ഥാനമാക്കി തയ്യാറാക്കിയ സ്റ്റാളുകള്‍ ശ്രദ്ധേയമായി. വിദ്യാര്‍ത്ഥികള്‍ അവരുടെ പാഠഭാഗവുമായി ബന്ധപ്പെട്ട പ്രോജക്ടുകള്‍ സജ്ജീകരിച്ചിരുന്നു.
പി.റ്റി.എ. പ്രസിഡന്റ് പ്രസാദ് കുരുവിള, പഞ്ചായത്ത് മെമ്പര്‍ അനില്‍കുമാര്‍ മഞ്ഞപ്ലാക്കല്‍, പ്രിന്‍സിപ്പല്‍ വില്‍സണ്‍ ജോസഫ്, ഹെഡ്മിസ്ട്രസ് സി. സൂസി മൈക്കിള്‍ എന്നിവര്‍ പ്രസംഗിച്ചു. അധ്യാപക-രക്ഷാകര്‍ത്തൃ പ്രതിനിധികള്‍ പഠനോത്സവത്തിന് നേതൃത്വം നല്‍കി.
