അടുക്കം :ഉജ്വലമായ നിരവധി പരിപാടികളോട് കൂടി”ലെക്സിക്കൺ”എന്ന പേരിൽ ഇംഗ്ലീഷ് ക്ലബ് ഉദ്ഘാടനം അടുക്കം ഗവണ്മെന്റ് ഹയർ സെക്കണ്ടറി സ്കൂളിൽ നടത്തപ്പെട്ടു. ക്ലബ്ബിന്റെയും ബുള്ളറ്റിൻ ബോർഡിന്റെയും ഉദ്ഘാടനം ഹെഡ് മാസ്റ്റർ ഇൻചാർജ് ബഹുമാനപ്പെട്ട യാസർ സലിം നിർവഹിക്കുകയുണ്ടായി.
ശ്രീമതി വിമല ടോം അധ്യക്ഷയായിരുന്ന യോഗത്തിൽ സ്റ്റാഫ്‌ സെക്രട്ടറി വിനീത് കെ. ആർ സ്വാഗതം അറിയിച്ചു. തുടർന്ന് ക്ലബ്ബിന്റെ പ്രവർത്തന രീതികളെ പറ്റി ശ്രീമതി റുക്‌സാന പി. കരീം, ശ്രീമതി ജെസ്സി എന്നിവർ വിശദീകരിച്ചു.
പദ സമ്പത്തിന്റെ വിപുലമാക്കലിന് വേണ്ടി നിരവധി ആശയങ്ങൾ ഉയർന്നു വന്നു.
ഓരോ ക്ലാസ്സിനും “വായന മൂല “,കാലിക പ്രസക്തിയുള്ള ചിന്തകൾ പങ്കുവെക്കുന്നതിനായി ബുള്ളറ്റിൻ ബോർഡിലെ ഒരു ഭാഗം നീക്കി വെച്ചു.വരും ദിവസങ്ങളിൽ ക്ലബ് പ്രവർത്തനങ്ങളിൽ എല്ലാ കുട്ടികളുടെയും സഹകരണം ഉറപ്പാക്കിക്കൊണ്ട് യോഗം അവസാനിച്ചു.
