കാണക്കാരി: സമന്വയ മൾട്ടി സെൻസറി പാർക്ക് എന്ന സ്വപ്നം കാണക്കാരിയിൽ യാഥാർത്ഥ്യമായി. കേരളത്തിൽ ആദ്യമായിട്ടാണ് ബ്ലോക്ക് പഞ്ചായത്ത് മൾട്ടി സെൻസറി പാർക്ക് പ്രോജക്ട് നടപ്പാക്കുന്നത്.
തിരുവനന്തപുരം ആസ്‌ഥാനമായുള്ള നാഷണൽ ഇൻസ്‌റ്റിറ്റ്യൂട്ട് ഓഫ് സ്പീച്ച് ആൻഡ്
ഹിയറിങ് സേവനം ആദ്യമായിട്ടാണ് അവരുടെ ആസ്‌ഥാനത്തിനു പുറത്ത്ഒരു സെന്ററിൽ സേവനം നൽ കുന്നതും ഇവിടെ മാത്രമാണ് എന്ന പ്രത്യേകതയുമുണ്ട്.
ഉഴവൂർ ബ്ലോക്ക് പഞ്ചായത്ത് ജില്ലാ പഞ്ചായത്തിന്റെ സഹകരണത്തോടെ 36 ലക്ഷം രൂപ വിനിയോഗിച്ച് ഭിന്നശേഷിയുള്ള വ്യക്തികളുടെ സമഗ്ര വികസനം ലക്ഷ്യമിട്ട് രൂപീകരിച്ച പദ്ധതിയാണ് കാണക്കാരി ഡിവിഷനിൽ പൂർത്തീകരിച്ചിരിക്കുന്നത്.
ചെറുപ്രായത്തിൽ തന്നെ വളർച്ച വ്യതിയാനം ആശയവിനിമയ വൈകല്യം എന്നിവ കണ്ടെത്തുന്നതിനും, ഭിന്നശേഷിയുള്ള കുട്ടികൾക്ക് വിവിധ ഇന്ദ്രിയങ്ങളുടെ ഉത്തേജനം സാധ്യമാക്കാനും അപ്രകാരം അവരവർക്ക് ഉചിതമായ വികാസവീഥി കണ്ടെത്തുന്നതിനും ഇവിടെ സാധ്യമാകും.
ഉഴവൂർ ബ്ലോക്കിന്റെ കണക്കാരി ഡിവിഷനിലെ നാഷണൽ ഹൈവേയ്ക്ക് അരികിൽ ഉള്ള 20 സെൻറ് സ്ഥലത്താണ് സമന്വയ തയ്യാറാക്കിയിട്ടുള്ളത്. 2008 വനിത ഘടക പദ്ധതിയിൽ ഉൾപ്പെടുത്തി നിർമ്മിച്ച കെട്ടിടത്തിൽ പ്രവർത്തനം നിലച്ചപ്പോൾ ആയത് ഭിന്നശേഷിയുള്ള കുട്ടികൾക്ക് വേണ്ടി വിനിയോഗിക്കുന്നതിന് സർക്കാരിലേക്ക് അപേക്ഷ സമർപ്പിച്ചത് അംഗീകരിച്ചതിന്റെ അടിസ്ഥാനത്തിൽ 2024 – 25 ലാണ് ഈ പദ്ധതി രൂപം കൊള്ളുന്നത്.
ബ്ലോക്ക് പഞ്ചായത്ത് ക്ഷമകാര്യ സ്ഥിരം സമിതി അധ്യക്ഷയും കാണക്കാരി ഡിവിഷൻ അംഗവുമായ കൊച്ചുറാണി സെബാസ്റ്റ്യന്റെ നിരന്തര പരിശ്രമ ഫലമായി പൂർത്തീകരിച്ച ഈ പദ്ധതി ബ്ലോക്ക് പരിധിയിലുള്ള കുട്ടികൾക്ക് മാത്രമല്ല സംസ്ഥാനത്തെ ഭിന്ന ശേഷിയുള്ള മുഴുവൻ ജനതയ്ക്കും വിനിയോഗിക്കാവുന്നതാണ്.
വിവിധ വകുപ്പുകളുടെ സംയോജനവും സഹകരണവും ഉറപ്പാക്കി നടപ്പിലാക്കുന്ന ഈ പദ്ധതി തദ്ദേശസ്വയംഭരണം വിദ്യാഭ്യാസം വനിതാ വികസന വകുപ്പ് സാമൂഹ്യനീതി ആരോഗ്യവകുപ്പ് എന്നീ വകുപ്പുകൾ കൂടാതെ സുമനസ്കരായ ഒരുപാട് വ്യക്തികളുടെ സഹകരണത്തോടുകൂടിയാണ് പൂർത്തീകരിച്ചിട്ടുള്ളത്.
സമന്വയയിൽ സ്പീച്ച് തെറാപ്പിസ്റ്റ് സ്പെഷ്യൽ എഡ്യുക്കേറ്റർ, സോഷ്യൽ വർക്കർ, പേരെന്റിങ്ങ് ഔട്ട് റീച്ച് ക്ലിനിക്കിലെ കൗൺസിലർമാരുടെ സേവനം എന്നിവ കൂടാതെ മൾട്ടി സെൻസറി ഇൻഡോർ റൂം ഔട്ട്ഡോർ പാർക്ക് എന്നിവ നൂതന രീതിയിൽ തയ്യാറാക്കിയിട്ടുണ്ട്.
തിരുവനന്തപുരം ആസ്‌ഥാനമായുള്ള നാഷണൽ ഇൻസ്‌റ്റിറ്റ്യൂട്ട് ഓഫ് സ്പീച്ച് ആൻഡ്
ഹിയറിങ് 6 വയസ്സിൽ താഴെയുള്ള കുട്ടികൾക്കും വിദ്യാഭ്യാസ വകുപ്പിന് കീഴിലുള്ള എസ് എസ് കെ , കോട്ടയം സ്കൂൾ വിദ്യാഭ്യാസം നേടുന്ന കുട്ടികൾക്കുമായി വിവിധ തെറാപ്പികൾക്ക് സൗകര്യം ഒരുക്കുന്ന പ്രവർത്തന സജ്ജമായ സമന്വയ മൾട്ടി സെൻസറി പാർക്ക്
ബ്ലോക്ക് പഞ്ചായത്ത് പ്രസിഡൻറ് രാജു ജോൺ ചിറ്റേത്ത് അധ്യക്ഷത വഹിച്ച മൾട്ടി സെൻസറി തെറാപ്പി പാർക്ക് ഉദ്ഘാടനവും പൊതുസമ്മേളനവുംകോട്ടയം ജില്ലാ പഞ്ചായത്ത് പ്രസിഡന്റ് ഹേമലത പ്രേം സാഗറും മൾട്ടി സെൻസറി യൂണിറ്റുകളുടെ ഉദ്ഘാടനം ജില്ലാ കളക്ടർ ചേതൻ കുമാർ മീണയും നാടിനു സമർപ്പിച്ചു.
ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംങ് കമ്മറ്റി അധ്യക്ഷ കൊച്ചുറാണി സെബാസ്റ്റ്യൻ പദ്ധതി വിശദീകരണവും കാണക്കാരി ഗ്രാമ പഞ്ചായത്ത് പ്രസിഡന്റ് അംബിക സുകുമാരൻ മുഖ്യ പ്രഭാഷണവും നടത്തി.
മികച്ച പ്രവർത്തനത്തിനം കാഴ്ച്ചവെച്ച ബ്ലോക്ക് ഉദ്യോഗസ്ഥരെ ജില്ലാ പഞ്ചായത്ത് സ്ഥിരം സമിതി അധ്യക്ഷൻ പി എം മാത്യു, ജില്ലാ പഞ്ചായത്ത് അംഗം നിർമ്മല ജിമ്മി എന്നിവർ ആദരിച്ചു.
ബ്ലോക്ക് പഞ്ചായത്ത് വൈ.പ്രസിഡൻറ് സിന്ധു മോൾ ജേക്കബ്, മുൻ ബ്ലോക്ക് പഞ്ചായത്ത് പ്രസിഡന്റ് മാരായ ബൈജു ജോൺ പുതിയിടത്തു ചാലിൽ, ജോൺസൺ പുളിക്കീൽ
ബ്ലോക്ക് വികസന സ്റ്റാൻഡിങ് കമ്മിറ്റി അധ്യക്ഷ ആശാമോൾ ജോബി ,ബ്ലോക്ക് ആരോഗ്യ സ്റ്റാൻഡിങ് കമ്മിറ്റി അധ്യക്ഷൻ പി. എൻ. രാമചന്ദ്രൻ, കാണക്കാരി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ലൗലിമോൾ വർഗീസ്, ഉഴവൂർ ബ്ലോക്ക് പഞ്ചായത്ത് മെമ്പർ മാരായ സിൻസി മാത്യു, ശ്രീമതി സ്മിത അലക്സ്, ജീന സിറിയക് ,
ആൻസി മാത്യു ,വിവിധ രാഷ്ട്രീയ കക്ഷി നേതാക്കൾ എന്നിവർ പ്രസംഗിച്ചു. ഉഴവൂർ ബ്ലോക്ക് പഞ്ചായത്ത് സെക്രട്ടറി ശ്രീ.ശ്രീകുമാർ എസ് കൈമൾ കൃതജ്ഞത രേഖപ്പെടുത്തി.
