വാഗമൺ: വാഗാ ലാൻഡ് ഹോട്ടലിൽ നിന്നും കോഴിക്കോട് സ്വദേശികളായ വിനോദ സഞ്ചാരികൾക്കാണ് പുഴുവിനെ കിട്ടിയത്.
ഇക്കാര്യം ഹോട്ടൽ അധികൃതരെ അറിയിച്ചപ്പോൾ അവരിൽ നിന്ന് മോശം അനുഭവമാണ് ഉണ്ടായതെന്നാണ് റിപ്പോർട്ട്. ശാരീരിക അസ്വസ്ഥതകൾ നേരിട്ട 6 കുട്ടികളെ ആശുപത്രിയിൽ പ്രവേശിപ്പിച്ചു.
ഒരു മാസം മുൻപ് വൃത്തിഹീനമായ അന്തരീക്ഷത്തിൽ പ്രവർത്തിച്ചതിനെ തുടർന്ന് ഭക്ഷ്യ സുരക്ഷാ വകുപ്പ് അടപ്പിച്ച ഹോട്ടലാണ് ഇത്. തുടർന്ന് വീണ്ടും പ്രവർത്തനം ആരംഭിക്കുകയായിരുന്നു. ആരോഗ്യ വകുപ്പും ഏലപ്പാറ പഞ്ചായത്ത് അധികൃതരും എത്തി ഹോട്ടൽ അടപ്പിച്ചു.
