തലനാട്: തീക്കോയി – തലനാട് – മൂന്നിലവ് റോഡിൻ്റെ തലനാട് വടക്കുംഭാഗം വരെയുള്ള റോഡ് അന്താരാഷ്ട്ര നിലവാരത്തിൽ ടാറിംഗ് നടത്തി നവീകരിക്കുന്നതിൻ്റെ നിർമ്മാണോൽഘാടനം മാണി സി കാപ്പൻ എം എൽ എ നിർവ്വഹിച്ചു.
6.90 കോടി രൂപ മുടക്കിയാണ് നവീകരണം നടത്തുന്നത്. നവീകരണം പൂർത്തീയാകുന്നതോടെ ഇല്ലിക്കൽക്കല്ല്, അയ്യമ്പാറ എന്നീ ടൂറിസ്റ്റ് കേന്ദ്രങ്ങളിലേയ്ക്ക് കൂടുതൽ ആളുകളെ ആകർഷിക്കാൻ കഴിയുമെന്ന് മാണി സി കാപ്പൻ പറഞ്ഞു. ഇതോടെ തലനാട് നിവാസികളുടെ വരുമാന സ്രോതസ് വർദ്ധിക്കുമെന്നും എം എൽ എ പറഞ്ഞു.
ഉദ്ഘാടന യോഗത്തിൽ തലനാട് ഗ്രാമപഞ്ചായത്ത് പ്രസിഡൻ്റ് രജനി സുധാകരൻ അധ്യക്ഷത വഹിച്ചു. വൈസ് പ്രസിഡന്റ് സോളി ഷാജി, ബ്ലോക്ക് പഞ്ചായത്ത് വൈസ് പ്രസിഡന്റ് കുര്യൻ നെല്ലുവേലിയിൽ, ഗ്രാമ പഞ്ചായത്ത് മെമ്പർമാരായ എ ജെ സെബാസ്റ്റ്യൻ ,രോഹിണിഭായി ഉണ്ണികൃഷ്ണൻ, രാഗിനി ശിവരാമൻ, ഷെമീല ഹനീഫ, ദീലീപ് കുമാർ, റോബിൻ ജോസഫ്, ആശാ റിജു തുടങ്ങിയവർ പ്രസംഗിച്ചു.
